फक्त तुझ्या मिठीत घे...

भर दुपारी,

सूर्य 'मी' म्हणत असताना.

अन इतक्यात कुठूनतरी एक ढग,

सूर्यासमोर आला असताना.

झंकारलेल्या सर्वस्वाने,

फक्त तुझ्या मिठीत घे...

भर पावसात दोघं,

चिंब भिजलेले असताना.

अन ओल्या पायवाटेने दोघं,

घरी परतत असताना.

झंकारलेल्या सर्वस्वाने,

फक्त तुझ्या मिठीत घे...

गुलाबी थंडीत दोघं,

गारठलो असताना.

अन हा गार गार वारा,

अंगाला झोंबत असताना.

झंकारलेल्या सर्वस्वाने,

फक्त तुझ्या मिठीत घे...

अमावास्येच्या रात्री,

चांदण्या सोबतीला असताना.

अन पौर्णिमेच्या रात्री,

चंद्र साक्षीला असताना.

झंकारलेल्या सर्वस्वाने,

फक्त तुझ्या मिठीत घे...

मनावर माझ्या,

तुझीच धुंदी असताना.

अन डोळ्यांत माझ्या,

तुझीच नशा असताना.

झंकारलेल्या सर्वस्वाने,

फक्त तुझ्या मिठीत घे...