Marathi Kavita | Prem Kavita | Virah Kavita | Aayushya Kavita | Charoli | Shayari
मराठी कविता | प्रेम कविता | विरह कविता | आयुष्य कविता | चारोळी | शायरी

माझ्या ब्लॉगवर तुमचे मनापासून स्वागत आहे.
मी लिहिलेल्या कवितांचा पुरेपूर आस्वाद घ्या आणि हो, आपल्या प्रतिक्रिया / comments नक्की द्या.

Wednesday, February 22, 2012

काय आहे रे मनात ?

तिला माहित आहे की, तो तिच्यावर खूप प्रेम करतो. पण तो तिच्याजवळ मात्र काहीच बोलत नाही. तेव्हा तिच्या मनात होणारी घालमेल, या कवितेत मांडण्याचा प्रयत्न केला आहे.


काय आहे रे मनात,
सांगशील कधी ?
काळजातलं माझ्या,
ओळखशील कधी ?


शब्द तुझे किती बोलतात,
ओठ मात्र शांत राहतात.
आसुसलेले डोळे माझे,
तुझीच वाट पाहतात.


तुझी प्रत्येक नजर,
काळजात थेट घुसते.
कधी होशील तू माझा ?
फक्त मी एवढंच पुसते.


आज-उद्या करू नकोस,
वेळ असा घालवू नकोस.
ओठांवरल्या शब्दांना,
मागे असा घेऊ नकोस.


का मला छळतोस असा ?
आल्या पावली का वळतोस असा ?
फक्त एकदा विचारून बघ मला,
घेतलाय मी फक्त तुझाच वसा.
फक्त तुझाच वसा...