तुला काय जाण,
तीळ तीळ तुटतो हा जीव तुझ्यासाठी.
करतो मी जीवाचं रान,
तुझी नी माझी नजरा-नजर होण्यासाठी.
हृदयाच्या कप्प्यात तुला,
ठेवलं आहे जपून.
शंका असेल तुला,
तर दाखवतो काळीज कापून.
आता तर माझ्या,
स्वप्नात देखील तूच असतेस.
पाहावं मी जिकडे,
तिकडे देखील तूच दिसतेस.
एकदा-दोनदा बोललो तुझ्याशी,
पण ते फक्त तेवढ्यासाठी.
कधीतरी बोलशील तू पण माझ्याशी,
येतो कॉलेजला फक्त मी तेवढ्यासाठी.
वाट बघतोय मी चातकाप्रमाणे,
हाक मारतेस तू कधी मला नावाने.
प्रार्थना करतो देवाकडे,मी अगदी नेमाने,
जवळ येशील माझ्या तू कधीतरी प्रेमाने.
चोरून बघतेस मला,
तू डोळ्यांच्या कोनातून.
comments वर माझ्या,
छान हसतेस तू गालातून.
शेवटी न राहून मन माझं,
विचारतं फक्त एकाच प्रश्न तुला,
सांग प्रिये सांग ,
मग का हा अबोला.....???
छान आहे खरच नवीन प्रेम विराण साठी खूप मोहक वाटेल हे
ReplyDeletemanapasun dhanyawaad.....
ReplyDelete