आयुष्य खूप सुंदर आहे

झटकून टाक ही बंधने, घे श्वास नवा
झोकून दे स्वत:ला, घे आस्वाद नवा.
उडू दे मनाला या उनाड वार्‍यासंगे,
डुंबू दे मनाला, त्या आठवणींच्या डोहामध्ये.
आयुष्य खूप सुंदर आहे,
जग ते अगदी.....दिल से...

थांब थोडा वेळ, बघ तो इंद्रधनू
बघ कशी होतेय, ही सप्त रंगांची उधळण
थांब थोडा वेळ, बघ या समुद्राच्या लाटा,
ऐक त्यांचे ते हळुवार गाणे.
आयुष्य खूप सुंदर आहे,
जग ते अगदी.....दिल से...

बस या माळरानावर कधीतरी, नको विचारू का?
बघ त्या पक्षांकडे, वाटेल तुला क्षणभर
मीही उडावे असे स्वच्छंदी, असेच आनंदी.
दूरवर फेक तुझी नजर भिडू दे या गगनाला.
आयुष्य खूप सुंदर आहे,
जग ते अगदी.....दिल से...

होऊन जाऊ दे पुन्हा एकदा, शर्यत या वार्‍यासंगे

बघूया कोण जिंकते, हा सुसाट वारा की हे बेभान मन 

हळूच उघड ती आठवणींची कुपी,

दरवळू दे त्या आठवणी तुझ्याभोवती. 

आयुष्य खूप सुंदर आहे,
जग ते अगदी.....दिल से...

आयुष्य हे एकदाच मिळतं, म्हणून सांगतोय,

पसरूदे पंख मनाच्या या पाखराला. 

काढ डोळ्यांवरचा तो टेंशनचा चष्मा,

आणि बघ माझ्या नजरेतून, 

आयुष्य खूप सुंदर आहे,
जग ते अगदी.....दिल से...