मी ओला चिंब भिजलेला.
पानांवरल्या थेंबांत,
मी शांत निजलेला.
पाऊस पडून गेल्यावर,
मी पुन्हा भरकटलेला.
नुकत्याच दरवळलेल्या,
मातीच्या गंधात मिसळलेला.
पाऊस पडून गेल्यावर,
मी उगाच थांबलेला.
क्षितिजांवरले थेंब,
तळहातावर झेलणारा.
पाऊस पडून गेल्यावर,
मी तिच्यात गुंतलेला.
भिजलेल्या साडीत तिला,
पाहण्यात हरवलेला.
पाऊस पडून गेल्यावर,
मी मोकळ्या आभाळाचा.
पिवळी किरणे टाकणार्या,
त्या मावळत्या सूर्याचा.
पाऊस पडून गेल्यावर,
मी शब्दांत भिजलेला.
पावसावर कविता करण्यास,
पुन्हा सज्ज झालेला.
No comments:
Post a Comment