Marathi Kavita | Prem Kavita | Virah Kavita | Aayushya Kavita | Charoli | Shayari
मराठी कविता | प्रेम कविता | विरह कविता | आयुष्य कविता | चारोळी | शायरी

माझ्या ब्लॉगवर तुमचे मनापासून स्वागत आहे.
मी लिहिलेल्या कवितांचा पुरेपूर आस्वाद घ्या आणि हो, आपल्या प्रतिक्रिया / comments नक्की द्या.

Wednesday, June 29, 2011

एकीने नाही म्हटल्यावर...

formal day ला साडीत,
काय चोख दिसत होती.
तिच्याभोवती असलेल्या गर्दीत,
ती जणू अप्सरा भासत होती.

तिची एक नजर,
माझ्यावरून फिरली होती.
तिच्या नजरेला मग,
माझीही नजर भिडली होती.

सगळ्या गोंधळानंतर,
तिला कॉफीसाठी विचारलं होतं.
थोडा विचार करून मग तिने,
माझ्यासोबत यायचं ठरवलं होतं.

CCD, बरिस्ताला जाणं,
कॉलेज मधून थेट होतं.
मला वाटलं माझं प्रेम,
तिच्या मनात बर्‍यापैकी सेट होतं.

एकट्यात गाठून तिला,
मी एकदाचं प्रपोज केलं.
तिने देखील तितक्याच लगबगीनं,
मला अपोज केलं.

असं कसं झालं?
काही कळलेच नाही,
तिचे-माझे धागे,
काही जुळलेच नाही.

दोन दिवस मग मी,
खूप उदास होतो.
काय सांगू यारो,
अगदी देवदास वाटत होतो.

तिसर्‍या दिवशी मी म्हटलं : 
चल हटा सावन की घटा,
जुल्फे नही ये तेरी,
आहेत चेटकिणीच्या जटा.

तू नही तो कोई और सही,
कोई और नही, तो कोई और सही.
एवढ्या मोठ्या जगात,
पोरींची काही कमी नाही.

माणसाने असंच मस्त,
राहायचं असतं.
आयुष्य असंच मस्त,
enjoy करायचं असतं.

एकीने नाही म्हटल्यावर,
दुसरीला पटवायचं असतं.
एकीने नाकारलेल्या प्रेमात,
मात्र स्वतःला हरवायचं नसतं.

मित्रांनो,बर्‍याचदा प्रेमात होकाराऐवजी नकार स्वीकारावा लागतो. पण मिळालेल्या नकारामुळे खचून जायचं नसतं,आपलं सर्व काही गमावून बसायचं नसतं.



Monday, June 27, 2011

रेशम गाठ

बेधुंद वारा होऊन,
आज तुला सतवायचं आहे.
तुझा पदर हवेत,
जरा उडवायचा आहे.

मुसळधार पाऊस होऊन,
तुला बिलगायचं आहे.
तुझं अंग अंग सारं,
आज मला भिजवायचं आहे.

भिजलेल्या साडीत तुला,
जवळ घ्यायचं आहे.
तुझ्या गालावरून ओघळणारा थेंब,
मला हळूच टिपायचा आहे.

तुला जवळ घेताना तुझ्या, 
काळजाची धडधड मला ऐकायची आहे. 
तुझ्या नजरेतली भीती,
आज मला दूर करायची आहे. 

तुझ्या-माझ्या स्वप्नांना,
आज पूर्णत्वास न्यायचं आहे.
तुझ्या-माझ्या पवित्र नात्याची,
आज रेशम गाठ बांधायची आहे.



Friday, June 24, 2011

तुझ्या आठवणी...

पावसाने एखाद्या प्रेयसीला चिंब भिजवल्यावर तिला आपल्या प्रियकराची आठवण नक्कीच येते. तर मग अशाच चिंब भिजलेल्या एका प्रेयसीचे काय म्हणणे आहे ते ऐका जरा...


गार गार वार्‍याने,
मला वाटेत गाठले.
तुझ्या आठवणींचे ढग,
मग माझ्या मनात दाटले.

नाही म्हणता म्हणता,
सारे आभाळ बरसले.
तुझ्या आठवणीनी,
माझे भान हरपले.

पावसाच्या प्रत्येक थेंबाने,
मला चिंब भिजवले.
तुझ्या प्रत्येक आठवणीनी,
जणू मला बिलगले.

भिजत भिजत मी,
एका आडोशाला गेले.
तिथे तुझ्या आठवणीनी,
मला आपलेसे केले.

सांगत होते पावसाला,
मला घरी जाउ दे.
तुझ्या आठवणींत,
मला वाहून जाउ दे.

पावसाने माझे,
न ऐकण्याचे ठरवले.
मग तुझ्या आठवणीनीच,
मला सावरायचे ठरवले.

असे मला पावसाने,
भर वाटेत गाठले.
तुझ्या आठवणींचे क्षण,
माझ्या डोळ्यांत साठले.

जाता जाता पावसाने केली,
एका जोरदार सरीची पाठवणी.
काय सांगू तुला,
त्या सरीत देखील होत्या,
फक्त तुझ्याच आठवणी...


Tuesday, June 21, 2011

हे प्रेम...

प्रेमात पडल्यावर,
सगळं कसं अगदी रम्य असतं.
प्रेमाच्या नजरेने हे जग,
थोडं वेगळंच भासत असतं.
खरच...हे प्रेम जीवाला,
वेड लावणारं असतं.

तिच्याशिवाय जगणं,
मग असह्य असतं.
तिच्या सोबत जगणंच,
एक सुखद स्वप्न असतं.
खरच...हे प्रेम जीवाला,
वेड लावणारं असतं.

प्रत्येक क्षण मग,
एक नवीन जग असतं.
ते जग फक्त तिच्यासाठीच,
बांधलेलं असतं.
खरच...हे प्रेम जीवाला,
वेड लावणारं असतं.

मन फक्त तिच्याच,
आठवणींनी व्यापलेलं असतं.
तिच्या एका होकारासाठी,
ते सारखं आसुसलेलं असतं.
खरच...हे प्रेम जीवाला,
वेड लावणारं असतं.

प्रत्येकाला हे जगणं मग,
खूप सुंदर वाटत असतं.
काय सांगू यारो,
हे प्रेम जीवाला,
वेड लावणारं असतं,
खरच...वेड लावणारं असतं...



Saturday, June 11, 2011

या बेधुंद मनावर माझ्या...

पावसाच्या प्रत्येक थेंबात,
फक्त तुझ्याच प्रेमाचा ओलावा आहे.
उनाड पणे वाहणार्‍या या वार्‍यात,
फक्त तुझ्याच प्रेमाचा गारवा आहे.
खरच या बेधुंद मनावर माझ्या,
फक्त तुझ्याच प्रेमाची धुंदी आहे.

कडाक्याच्या थंडीत,
फक्त तुझ्याच प्रेमाची ऊब आहे.
थंडीने शहारलेल्या हृदयाला,
फक्त तुझ्याच प्रेमाचा  स्पर्श आहे.
खरच या बेधुंद मनावर माझ्या,
फक्त तुझ्याच प्रेमाची धुंदी आहे.

रखरखत्या उन्हात,
फक्त तुझ्याच प्रेमाची सावली आहे.
तहानलेल्या जीवाला वाटेत,
फक्त तुझ्याच प्रेमाची पाणपोई आहे.
खरच या बेधुंद मनावर माझ्या,
फक्त तुझ्याच प्रेमाची धुंदी आहे.

आमावस्येच्या गूढ राती,
फक्त तुझ्याच प्रेमाचं चांदणं आहे.
पौर्णिमेच्या निर्मळ राती, 
फक्त तुझ्याच प्रेमाचा लख्खं प्रकाश आहे.
खरच या बेधुंद मनावर माझ्या,
फक्त तुझ्याच प्रेमाची धुंदी आहे.

उधाणलेल्या सागराला,
फक्त तुझ्याच प्रेमाची नशा आहे.
त्याच्या प्रत्येक लाटेत,
फक्त तुझ्याच प्रेमाची ओढ आहे.
खरच या बेधुंद मनावर माझ्या,
फक्त तुझ्याच प्रेमाची धुंदी आहे.

तारुण्याच्या प्रत्येक गीताला,
फक्त तुझ्याच प्रेमाचा स्वर आहे.
या नवलाईच्या वाटेवर,
फक्त तुझ्याच प्रेमाचा 'stop' आहे.
खरच या बेधुंद मनावर माझ्या,
फक्त तुझ्याच प्रेमाची धुंदी आहे.

कागदावर उमटलेल्या या शब्दांना,
फक्त तुझ्याच प्रेमाचा रंग आहे.
हो...अगदी, अगदी खरं सांगतोय,
या बेधुंद मनावर माझ्या फक्त आणि फक्त,
तुझ्याच प्रेमाची धुंदी आहे,
तुझ्याच प्रेमाची धुंदी आहे.......



Sunday, June 5, 2011

तुझ्या प्रेमासाठी...

पावसाचे टपोरे थेंब, 
अलगद तुझ्या ओंजळीत घे.
ओंजळीतील पाण्यात बघ, 
तुला फक्त मीच दिसेन.

तुझ्या या सोनेरी पापण्या,
सावकाश मिटून घे.
मग तुला दिसणारा चेहरा,
बघ फक्त माझाच असेल.

तुझ्या डोळ्यातील अश्रू ,
गालावर ओघळू दे.
बघ त्या प्रत्येक थेंबात, 
फक्त मीच असेन.

प्रेम म्हणजे काय? हे,
एकदा तुझ्या मनाला विचार.
मिळालेल्या उत्तरात बघ,
फक्त माझेच नाव असेल.

तुझ्या सर्व आठवणींना,
या प्रत्येक क्षणात शोध.
प्रत्येक आठवणीत बघ,
तुला फक्त मीच सापडेन.

तुझ्या विचारांच्या गर्ततेत,
एकदा डोकावून बघ.
त्या सर्व विचारांचं निमित्त,
फक्त मीच असेन.

हे सर्व सांगण्याचे कारण,
कदाचित तुला माहित नसेल.
पण तुझ्या प्रेमासाठी आसुसलेला,
बघ या जगात फक्त मीच असेन.